Мом ышташ кӱлеш?

Ыштыман:

1. Словарный статья-влакым алфавит почеш вераҥдаш да алфавит принцип дене тӧрлаташ, гнездовойым кораҥдаш, кажне ойлымаш ужаш посна пуалтеш (тергаш кажне мутым).
2. Кажне заглавный мутын значенийжым пӱтынек почын пуаш да тергаш (интернетыште грамота.ру почеш тергаш куштылгырак, а марий мут-влакын значенийыштым 10 томан мутерын электрон вариантшым (GoldenDict) кучылташ йӧнан.
3. Словарный статья мучаште точко ОК кӱл. Кӧ шынден, кораҥдыза! «Мутерын чоҥалтмыже» умылтарымашым угыч ончыза.
4. Южо вере пример кӱлешак, поснак, кунам кок але шукырак значений (мутлан, кунам в разн. знач. пуэда, а примерже ик значенийлан веле – тиде йоҥылыш, садлан чыла значенийжылан пример кӱлешак).
5. Уто примерым кораҥдаш, молан манаш гын южо вере пример шуко.
6. Идеологизированный пример-влакым (коммунист партий, совет ушем да т.м.) кораҥдаш.
7. Неологизм-влакым тӱргӧч кучылташ ок кӱл (вочмык, йодкагаз да т. м.).
8. Южо вере помете уке (мутлан: уст.). Кажне словарный статьям угыч тӱткын ончен лекташ.
9. ◊ пале деч вара ; знак ок кӱл! (ончо «мутерын чоҥалтмыже» умылтарымашым).
10. || палым сайынак терген лекташ – чыла чын мо…
11. Тылзе лӱм-влакым Марий орфографий мутер (2011, 15-ше лышташ) почеш возыман.
12. Марий да руш йылме гыч кӱсынлымӧ шомак-влакым синоним семын пуымо годым марий мутшым ончыч пуыман, почешыже – кӱсынлымӧ мутым, мутлан:

АПТЕ́КА ж. эмгудо, аптеке

13. Сложный мут, але вес моло мут-влакым у орфографий мутер дене тергаш. Тыгак кӱсынлымӧ мутын возалтмыжым правил почеш эскераш: наука – науко, дружина – дружине, забастовка – забастовко).
14. Пӱртӱс кончыш, кушкыл дене кылдалтше шомак-влак шкет чотышто лийшаш улыт (толкын-влак огыл – толкын, пеледыш-влак огыл – пеледыш, лышташ-влак оралгат огыл – лышташ оралга).
15. II спряжений гыч лийше шомакыште -ы- пале лийшаш, таҥ.: кычкырмаш олмеш – кычкырымаш кӱлеш да т.м.
16. Марий шомакым кучылташак тыршаш, мутлан: долг ‘порыс’, квартира ‘пачер’ да т.м.
17. Пурталтде кодшо кумдан кучылталтше мутым пуртыман, мутлан: абрикос, азбука да т.м. (тыгодым А.В. Чемышевын словникшым да «Руш-марий мутерым (1966)» кучылтман).
18. Ё буквам шындаш, тӱткын терген лекташ, пералтышым ё букваште огына ончыкто.
19. Могай кӱчыкемдымашым пуртенда, тудым спискыш ешарыза.
20. м. ден ж. полым ик словарный статьяш пуртена, мутлан:

АРТИ́СТ м. артист; ~КА ж. артистке
СВО́ДНИ||К м., ~ЦА ж. коклазе, коклам коштшо

21. Заглавный мутым кусарыме вариантыште ик тӱрлӧ мут, примерыште – весе. Тыгайым чыла вере терген лекташ.
22. Толкований рушла лийшаш, марла огыл, мутлан:

АНЕМИ́Я (малокровие) анемий

Икманаш, кажне словарный статьям, пӱтынь текстым сайынак тергаш.